【香港摄影30年】白痴都可以变大师:当相机有了自动构图!

分类:自然联盟 103赞 2020-05-22 524次浏览
【香港摄影30年】白痴都可以变大师:当相机有了自动构图!

文:Ben Kwok

又係阿Ben 出场!原来写稿真係好难,我宁愿影相好过「爬格仔」,因为影相真係冇乜难,一部AF机,一切全自动,连盲毛都可以做大师啦!近日又有一D自动构图Auto Zoom嘅相机,连取景大小都由相机做埋,摄影师只要㩒一下个快门掣,咁就OK,易过借火。真係唔係讲笑,以前我在Photo Center读摄影,D阿sir又教乜野理论,又要我地实践,费时失事,不出几年,原来学影相,已经唔驶学光圈、快门,因为有全自动。

一入去课室就教构图,但以而家个趋势去睇,我看冇几耐,D全自动构图相机一出,入边个电脑一对主体,便能分析係动物定死物,係男人抑或係女人,同你变埋焦。家阵电视已经有左右自动(电动)移动,第日相机主体可能亦可以自动左右移动少少去自己构图,到时,D摄影班净係教人㩒掣便可也!连摄影月刊都冇野讲!

讲开又讲,摄影呢科又几易,以前时装摄影界有位大哥,成日吹自己几醒,用大炮对焦又快又準,永冇挞Q,全世界至叻係佢,为中国人争光,点知我个细佬早前入咗一套EOS-1加上300 f/2.8 EF后,又係咁讚自己,我以为佢作大,但係试过又係几鬼快,咁D「快枪手」以后遇上人用EOS加上EF咁咪有得挥?话时话,影一般移动物体(例如台上行来行去D人),用一秒五、六张D摩打,加上大光圈镜头,又有几难啫?而家张三李四用咗AF机就得啦!

不过我阿Ben就好少用D Hi-Tech野,一来机型变得快,都唔知边一部好,最大问题唔係Pro,因为用新机人人以为你初哥,但用旧机一睇上去,人人重以为是影咗十年廿年相,好自豪嘛!